Senado, naglabas na ng arrest order vs Alice Guo-Balita

Senado, naglabas na ng arrest order vs Alice Guo

Naglabas na ang Senado ng arrest order laban kay suspended Bamban, Tarlac Mayor Alice Guo.

Ayon sa dokumentong inilabas nitong Sabado, Hulyo 13, ang arrest order laban kay Guo ay bunsod ng hindi niya pagdalo sa mga pagdinig ng Committee on Women, Children, Family Relations and Gender Equality noong Hunyo 26, 2024 at Hulyo 10, 2024.

“For unduly refusing to appear, despite due notices, at the hearings of the Committee on Women, Children, Family Relations and Gender Equality on June 26, 2024 and July 10, 2024, and thereby delaying, impeding and obstructing the inquiry into the REPORTED VIOLATION OF HUMAN TRAFFICKING, SERIOUS ILLEGAL DETENTION, AND PHYSICAL ABUSE AND TORTURE IN THE PREMISES OF AN INTERNET GAMING LICENSEE OF PHILIPPINE AMUSEMENT GAMING CORPORATION (PAGCOR), AND OTHER RELATED RESOLUTIONS,” nakasaad sa contempt order.

“Upon motion of Senate President Pro-Tempore Jinggoy Ejercito Estrada and Senator Win Gatchalian, and duly seconded by Senator Maria Lourdes Nancy Binay, the Committee, during the July 10, 2024 hearing, hereby cites ALICE LEAL GUO / GUO HUA PING in contempt of the Committee, and of the Senate, and ordered arrested and detained at the Office of the Sergeant-At-Arms until such time that she will appear and testify in the Committee, or otherwise purges herself of that contempt,” dagdag pa.

Samantala, bukod kay Guo ay inihain din ang arrest order laban kina Dennis Cunanan, Nancy Gamo, Sheila Guo, Wesley Gui, Jian Zhong Go, Seimen Guo, at Wenyi Lin.

Dahil dito, inatasan ang Office of the Senate Sergeant-At-Arms na isilbi ang arrest order sa loob ng 24 oras.

Matatandaang kamakailan lamang ay iginiit ng abogado ni Guo na hindi dadalo ang alkalde sa Senate hearing nitong Hulyo 10 dahil sa “na-trauma” umano ito sa pagtrato ng Senado sa kaniya.

MAKI-BALITA: 'Hindi dadalo sa hearing!' Alice Guo, magpapadala ng excuse letter sa Senado

Kaugnay nito, sinabi naman ni Senate President Chiz Escudero na kung totoo raw na “na-trauma” si Guo, dapat umanong magbigay siya ng medical certificate.

MAKI-BALITA: SP Chiz, handang lumagda ng arrest warrant vs Alice Guo

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...

Senado, naglabas na ng arrest order vs Alice Guo

Senado, naglabas na ng arrest order vs Alice Guo

Inirerekomendang balita

PBBM admin, nagsisilbing ‘totoong kalamidad’ sa ‘Pinas – Maza

4.5-magnitude na lindol, yumanig sa Surigao del Norte

Dalawang Tulfo brothers, nanguna sa survey ng senatorial race

Features

Opinyon