Inamin ni “FPJ’s Batang Quiapo” star Mercedes Cabral na nae-enjoy daw niya ang pagganap bilang kontrabida sa teleserye.
Sa latest episode kasi ng vlog ni broadcast-journalist Julius Babao nitong Martes, Hulyo 9, napag-usapan ang karakter niyang si “Lena” sa “Batang Quiapo.”
“Nae-enjoy ko siya actually. Nae-enjoy kong magkontrabida kumpara sa…kasi na-experience ko na ring maging bida.May ginawa akong teleserye. ‘Yong ‘Hiyas.’ ‘Yon ‘yong unang-unang teleserye ko,” saad ni Mercedes.
“Nakakapagod din siya kasi siguro, like, portraying ang bida rin. Ang bigat. Like, emotionally parang ‘yong demand niya like kawawa ka. ‘Yong demand na iiyak ka,” wika niya.
'Batang Quiapo' sinisita dahil puro violence, rape sa mga babaeng karakter
Dagdag pa ng aktres: “Pero ‘pag kontrabida, na-realize ko parang ‘wow ang saya pala na nilalabas mo ‘yong sama.’”
Ngunit inamin ni Mercedes na hindi raw ito ang unang beses niyang maging kontrabida. Nasubukan na raw daw niya ito sa teleseryeng “Huwag Kang Mangamba.”
Samantala, sa isang bahagi ng panayam, ibinahagi ng aktres ang tungkol sa nakakatawang hate comments na natanggap niya dahil sa karakter niyang si Lena.
MAKI-BALITA: Mercedes Cabral, nae-enjoy ang kontrabida role
MAKI-BALITA: Mercedes, ikinahihiya na raw sa hometown dahil sa pag-represent sa mga kabet
