Inaasahang makararanas ng mga kalat-kalat na pag-ulan ang malaking bahagi ng bansa ngayong Biyernes, Hunyo 7, dulot ng southwest monsoon o habagat, ayon sa Philippine Atmospheric, Geophysical and Astronomical Services Administration (PAGASA).
Sa tala ng PAGASA kaninang 4:00 ng madaling araw, malaki ang tsansang magdulot ang habagat ng maulap na kalangitan na may kalat-kalat na pag-ulan at thunderstorms sa Metro Manila, Ilocos Region, Cordillera Administrative Region, Zambales, Bataan, Tarlac, Pampanga, Bulacan, CALABARZON, MIMAROPA, Western Visayas, Zamboanga Peninsula, Basilan, Sulu, at Tawi-Tawi.
Pinag-iingat ang mga residente sa nasabing lugar sa posibleng pagbaha o kaya nama’y pagguho ng lupa tuwing magkakaroon ng malalakas na pag-ulan.
Samantala, malaki ang tsansang makaranas ng bahagyang maulap hanggang sa maulap na kalangitan na may kasamang pulo-pulong pag-ulan at thunderstorms sa mga natitirang bahagi ng bansa dulot ng localized thunderstorms.
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Posible rin ang pagbaha o kaya nama’y pagguho ng lupa sa mga naturang lugar tuwing magkakaroon ng malalakas na thunderstorms, ayon sa weather bureau.
Sa kasalukuyan ay wala namang binabantayan ang PAGASA na bagyo o low pressure area (LPA) sa loob man o labas ng Philippine area of responsibility (PAR).
