Kasado na ang in-person oathtaking para sa mga bagong physical therapist ng bansa, ayon sa Professional Regulation Commission (PRC).
Sa Facebook post ng PRC nitong Biyernes, Enero 19, inihayag nitong magaganap ang nasabing face-to-face oathtaking sa Enero 29, 2024, dakong 1:00 ng hapon sa Plenary Hall, Philippine International Convention Center (PICC), Vicente Sotto St., Pasay City.
“All successful examinees interested in attending the face-to-face mass oathtaking shall register no later than 12:00 NN of the day prior to the date of the oathtaking at http://online.prc.gov.ph to confirm their attendance,” pahayag ng PRC.
“Inductees shall come in Formal or Business attire and are required to PRINT the Oath Form with their own generated QR. This will be submitted during the oathtaking in order to be tagged as ‘attended’,” dagdag pa nito.
Matapos rebelasyon ni Garma: Ex-Pres. Duterte, dapat nang kasuhan – Rep. Castro
Para naman sa mga hindi makakapunta sa nakatakdang face-to-face mass oathtaking, maaari pa rin silang dumalo sa pamamagitan ng isasagawang online oathtaking o mag-request ng isang special oathtaking.
Iaanunsyo raw ang schedule ng online oathtaking kapag naisapinal na ito.
“After the oathtaking, inductees shall proceed with their Initial Registration by securing an online appointment at http://online.prc.gov.ph on January 30, 2024 onwards,” saad ng PRC.
“For more information on the oathtaking, please contact the organizers at 0945 307 9940 or proceed to Room 315 Don Lorenzo Bldg., Sampaloc, Manila (in front of PRC Morayta),” dagdag pa nito.
