System ops ng NGCP, handang i-takeover ng TransCo dahil sa blackout

By Rommel Tabbad

January 11, 2024

In BALITA National

Posibleng i-takeover ng National Transmission Corporation (TransCo) ang system operations ng National Grid Corporation of the Philippines (NGCP).

Ito ang naging reaksyon ng ahensya matapos tanungin ni Laguna (1st District) Rep. Ann Matibag ang mga opisyal ng NGCP kung kung dapat nang ibalik sa gobyerno ang SO o system operations ng NGCP.

Nag-ugat ang usapin sa nangyaring malawakang blackout sa Panay nitong Enero 2.

Sinabi ni Transco President, Chief Executive Officer Fortunato Leynes na handa na silang kunin ang SO ng NGCP.

Nauna nang inirekomenda ng Department of Energy (DOE) ang naturang hakbang at kung sakaling matutuloy ang hakbang ay maiiwan na lamang ang transmission operations ng NGCP.

Kaugnay nito, tiniyak naman ni NGCP Spokesperson Cynthia Alabanza na irerespeto nila ang magiging hakbang ng gobyerno.

Gayunman, nagbabala si Alabanza na magkakaroon umano ng malaking epekto kapag tuluyang binago ang kontrata sa gitna ng effectivity nito.

Matatandaang naging kontrobersyal ang NGCP nang makaranas ng blackout ang malaking bahagi ng Western Visayas kamakailan.

Dismayado rin si Pangulong Ferdinand Marcos, Jr. at sinabing hindi naganapanan nang husto ng NGCP ang kanilang trabaho kaya't nauwi sa insidente.

‘Para sa mga Pinoy!’ Chel Diokno, first nominee ng Akbayan sa 2025 elections

Ipinahayag ni human rights lawyer Atty. Chel Diokno na kakandidato siya bilang first nominee ng Akbayan Party sa 2025 elections upang isulong ang kapakanan ng mga Pilipino sa Kongreso.Sa isang Facebook post nitong Sabado, Setyembre 28, nagpasalamat si Diokno sa tiwalang ibinigay sa kaniya ng Akbayan.Nangako rin ang human rights advocate na isusulong nila sa Kongreso ang demokrasya ng bansa at...

‘Julian,’ mas lumakas pa; Signal No. 3, itinaas na

Mas lumakas pa ang Severe Tropical Storm Julian, dahilan kaya’t itinaas na sa Signal No. 3 ang northeastern portion ng Babuyan Islands, ayon sa Philippine Atmospheric, Geophysical and Astronomical Services Administration (PAGASA) dakong 11:00 ng umaga nitong Linggo, Setyembre 29.Sa tala ng PAGASA, huling namataan ang sentro ng bagyong Julian 290 kilometro ang layo sa silangan hilagang-silangan...

Surigao del Sur, niyanig ng magnitude 4.4 na lindol

Niyanig ng magnitude 4.4 na lindol ang probinsya ng Surigao del Sur dakong 10:46 ng umaga nitong Linggo, Setyembre 29.Base sa tala ng Philippine Institute of Volcanology and Seismology (Phivolcs), tectonic ang pinagmulan ng lindol. Namataan ang epicenter nito 47 kilometro ang layo sa hilagang-silangan ng Lingig, Surigao del Sur, na may lalim na 10 kilometro.Wala namang inaasahan ang Phivolcs na...