PRC, inanunsyo resulta ng Dec. 2023 Radiologic, X-Ray Tech Board Exams

By MJ Salcedo

December 15, 2023

In BALITA

Inihayag ng Professional Regulation Commission (PRC) nitong Biyernes, Disyembre 15, na 55.57% o 2,155 sa 3,878 examinees ang pumasa sa December 2023 Radiologic Technologists Licensure Examination, habang 28.51% o 67 sa 235 examinees naman ang pasado sa X-Ray Technologists Licensure Exam.

Sa inilabas na resulta ng PRC, kinilala bilang topnotcher ng Radiologic Technologists Licensure Exam si Sophia Vien dela Cruz Pereda mula sa Angeles Unviersity Foundation matapos silang makakuha ng 91.40% score.

Hinirang naman ang Holy Angel University bilang top performing school matapos umano itong makakuha ng 95.45% overall passing rate.

Samantala, kinilala bilang topnotcher ng X-Ray Technologists Licensure Exam si Prince Louise Aplicador mula sa Wesleyan University-Philippines-Cabanatuan City matapos siyang magkaroon ng score na 86%.

Wala naman umanong hinirang na top performing school sa nasabing exam.

Isinagawa umano ang mga pagsusulit mula Disyembre 11 hanggang 12, 2023 sa mga testing center sa Metro Manila, Baguio, Butuan, Cagayan de Oro, Cebu, Davao, Iloilo, Koronadal, Legazpi, Lucena, Pampanga, Rosales, Tacloban, Tuguegarao, at Zamboanga.

PBBM at ex-VP Leni, nagkamayan sa inagurasyon ng Sorsogon Sports Arena

Nagkita at nagkamayan sina Pangulong Ferdinand “Bongbong” Marcos Jr. at dating Vice President Leni Robredo sa gitna ng inagurasyon ng Sorsogon Sports Arena nitong Huwebes, Oktubre 17.Ayon kay Presidential Communications Office (PCO) Secretary Cesar Chavez, inimbitahan ni Senate President Chiz Escudero si Robredo sa nasabing inagurasyon para katawanin ang Bicol sa pag-welcome kay Marcos.'I...

Apollo Quiboloy, kasama sa initial list ng Comelec sa pagkasenador

Kasama si Pastor Apollo Quiboloy sa initial list ng Commission on Elections (Comelec) para sa mga kandidato sa pagkasenador na posibleng makasama sa balota sa 2025 midterm elections.Sa inilabas na memorandum ng Comelec na naglalaman ng initial list ng senatorial candidates nitong Miyerkules, Oktubre 16, makikita ang mga pangalan ng 66 senatorial bets, kung saan kasama rito si Quiboloy.“This...

ITCZ, easterlies patuloy na nakaaapekto sa PH

Inihayag ng Philippine Atmospheric, Geophysical and Astronomical Services Administration (PAGASA) nitong Huwebes, Oktubre 17, na patuloy pa ring nakaaapekto ang Intertropical Convergence Zone (ITCZ) at easterlies sa malaking bahagi ng bansa.Sa tala ng PAGASA dakong 4:00 ng umaga, malaki ang tsansang magdudulot ang ITCZ, na nasa timog na bahagi ng Mindanao, ng maulap na kalangitan na may...