Naka-recover na mula sa Covid-19 si Pangulong Ferdinand “Bongbong” Marcos Jr., ayon sa Presidential Communications Office (PCO) nitong Sabado, Disyembre 9.

Sa pahayag ng PCO, ngayong sabado ang ikalimang araw ng home isolation ng pangulo, kung saan wala na raw siyang ubo, nasa conestion, at lagnat.

“President Ferdinand R. Marcos Jr is progressing well in his recovery. Today, on the fifth day of home isolation, the President is now free from cough, nasal congestion, and fever for more than 24 hours,” anang PCO.

“All other medical findings were unremarkable. Consequently, the President's final diagnosis is Covid-19, Recovered. Throughout the entire home isolation period, the President was closely monitored by medical professionals,” dagdag nito.

PBBM, positibo sa Covid-19

Nakatakda naman umanong matapos ang isolation period ni Marcos bukas ng Linggo, Disyembre 10, ngunit irerekomenda pa rin umano sa kaniya na magsuot ng face mask sa susunod na 10 araw tuwing mayroon siyang public engagements bilang pag-iingat.

Matatandaang noong Disyembre 5, 2023, nang ihayag ng PCO na nagpositibo sa Covid-19 si Marcos.