Isiniwalat ng social media personality at negosyanteng si Rosmar Tan Pamulaklakin kung magkano ang kinikita niya sa pagiging content creator at negosyante.
Sa latest episode kasi ng “Toni Talks” nitong Linggo, Nobyembre 26, tinanong ni “Ultimate Multimedia Star” Toni Gonzaga kung totoo umano ang nabalitaan niyang tsika tungkol kay Rosmar.
“May tsinismis sa akin si Alex, kumikita ka daw ng ₱5M a day. May ganoon?” usisa ni Toni.
Sagot ni Rosmar: “‘Yun po ‘yung medyo mahina na ako n’on.
FL Liza Araneta-Marcos, nanguna sa pagbubukas ng ilang atraksyon sa Intramuros
Nawindang naman si Toni sa sagot na ito ni Rosmar: “Magkano ‘yung pinakamalakas?”
“May time po na kasagsagan na sobra-sobrang lakas po, pumapalo po minsan ng 13. Ganoon, 10-13,” ani Rosemar.
“M? (million) Isang araw?” paniniyak ni Toni.
“Opo, pero kasama po doon ‘yung puhunan,” tugon ni Rosmar.
Sa katunayan, hindi na niya alam kung ilan na ba ang mga nabili niyang sportscar.
Iba talaga ang yaman ni Rosemar. Matatandaang kamakailan lang ay nagregalo pa siya kalahating milyon sa kaniyang inaanak.
MAKI-BALITA: Rosmar Tan, niregaluhan ang inaanak ng kalahating milyong piso
