Kanselado na rin ang “Pagtatag! World Tour” sa Bangkok, Thailand ng all-male P-Pop group na SB19 na nakatakda sanang ganapin sa KBank Siam Pic-Ganesha Theater sa darating na Nobyembre 19.

Sa inilabas na anunsiyo ng 1Z Entertainment nitong Sabado, Nobyembre 18, humingi sila ng paumanhin sa fans para sa posibleng abalang idinulot ng pangyayaring ito.

“With a heavy heart, we announce the cancellation of PAGTATAG! World Tour: Bangkok,” saad sa caption ng post.

“We deeply apologize to everyone inconvenienced by this late notice and we are incredibly thankful for your patience and understanding as we navigate and resolve current complexities affecting the tour,” anila.

National
PBBM sa National Teacher's Day: 'I wish you a joyful and productive celebration'

PBBM sa National Teacher's Day: 'I wish you a joyful and productive celebration'

Nagbigay naman ang kompanya ng mga detalye kung paano mare-refund ng fans ang nabili nilang ticket at merch.

“For ticket refund and other concerns, please direct your inquiries to Black Star Entertainment Production through [email protected]. For merch refund, you may contact [email protected],” saad nila.

Matatandaang nauna na nilang inanunsiyo noong Nobyembre 14 ang kanselasyon ng kanilang world tour sa Singapore dahil umano sa “unforseen circumstances”.

Bukod sa Singapore at Thailand, kabilang din sa nabanggit na world tour ang Japan at Dubai.