“Fly free, Geothermica!”
Nagpahayag ng pagluluksa ang Philippine Eagle Foundation (PEF) nitong Sabado, Setyembre 9, hinggil sa pagpanaw ng Philippine Eagle na si “Geothermica” sa Singapore.
Sa isang pahayag ng PEF, ibinahagi nitong namatay ang 19 taong-gulang na si Geothermica noong Huwebes ng gabi, Setyembre 7, matapos lumala ang kaniyang kalagayan dahil sa impeksyon sa baga.
“Together with female Philippine Eagle ‘Sanbisig’, male Philippine Eagle ‘Geothermica’ is on a breeding loan program under a Wild Loan Agreement between the Philippines and Mandai Wildlife Group in Singapore,” pahayag ng PEP.
ALAMIN: Pagbibigay ng 13th month pay sa mga empleyado, paano nagsimula?
Ang Philippine Eagles na sina Geothermica at Sanbisig umano ang pinakaunang “eagle couple” na isinailalim sa international cooperation noong 2019 upang maisalba ang “critically endangered” na pambansang ibon ng Pilipinas mula sa tuluyan nitong pagkawala.
“Let us remember Geothermica for his huge contribution as a Species Ambassador in Singapore where over 1.2 million guests from around the world experienced the majesty of the Philippines’ national symbol and how important global cooperation is to save its kind,” anang PEF.
“We are deeply saddened by Geothermica’s passing but rest assured that we will not lose heart in our mission to foster international cooperations to save this global jewel.”
“Fly free, Geothermica. Your contribution as an ambassador for your kind will never be forgotten,” saad pa nito.
Ayon sa PEF, mayroon pang natitirang 392 na pares ng Philippine Eagles.
