Lisensya ng baril ng road rage suspect sa QC, binawi na! -- PNP

By Rommel Tabbad

August 28, 2023

In BALITA

Ni-revoke na ng Philippine National Police (PNP) ang lisensya ng baril ng suspek sa naganap na road rage incident sa Quezon City kamakailan.

Ito ang kinumpirma ni PNP public information office chief, Brig. Gen. Red Maranan sa panayam sa telebisyon nitong Lunes, Agosto 28.

Ang naging hakbang aniya ng PNP Firearms and Explosive Office (FEO) ay batay na rin sa direktiba ni PNP chief, Gen. Benjamin Acorda.

Sa rekord ng PNP, nakilala ang suspek sa naturang insidente na si Wilfredo Goinzales.

Pagdidiin ni Maranan, tatlong baril ang pag-aari ni Gonzales.

Kapag revoked na aniya ang License to Own and Possess Firearm (LTOPF), susulatan pa ng PNP ang may-ari nito upang mai-surrender ang mga ito sa FEO.

Aniya, sakaling hindi naisuko ang mga baril, kukunin ito ng pulisya sa pamamagitan ng search warrant.

Nagbabala rin ang PNP na sakaling hindi naisuko ang mga baril ay kakasuhan ito ng illegal possession of firearms.

Matatandaang viral sa social media ang footage ng pagbunot ng baril ni Gonzales sa harap ng nakaalitang siklista sa Welcome Rotonda sa boundary ng Maynila at Quezon City nitong Agosto 8.

Nitong Linggo, Agosto 27, sumuko si Gonzales kay Quezon City Police District chief, Brig. Gen. Nicolas Torre III.

Idinagdag pa ni Torre, hindi pa naghahain ng kaso ang siklista laban kay Gonzales na nauna nang nagsabing nagkasundo na umano sila ng biktima.

PBBM office, pinasalamatan Kamara sa pag-apruba ng ₱10.5B proposed budget sa 2025

Pinasalamatan ng Presidential Communications Office (PCO) ang House of Representatives dahil sa mabilis umano nitong pag-apruba sa ₱10.506 bilyong panukalang budget ng Office of the President (OP) para sa taong 2025.Matatandaang noong Setyembre 9 nang i-terminate ng House Committee on Appropriations, na pinamumunuan ni Ako Bicol Party-list Rep. Elizaldy Co, ang briefing sa ₱10.506-bilyong...

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...