Nasa milyong halaga ng umano'y puslit na Smart television at computer system units sa ikinasang pagsalakay sa isang warehouse sa Guiguinto, Bulacan kamakailan.
Sinabi ng Bureau of Customs (BOC), nilusob ng composite team ng Customs Intelligence and Investigation Service (CIIS) – Port of Manila, Criminal Investigation and Detection Group-Philippine National Police (CIDG-PNP), Enforcement and Security Service-Port of Manila at Formal Entry Division-Port of Manila ang ECOM Electronics Reconditioning Services sa RIS Industrial Complex, 168 Mercado Street, Lot 3U, Malis, Guiguinto.
Nadiskubre ng mga awtoridad ang sari-saring telebisyon, mga makinang ginagamit sa pagla-laminate, at raw materials para sa pagkukumpini.
Isinagawa ang operasyon matapos makatanggap ng impormasyon ang BOC kaugnay sa kaduda-dudang laman ng naturang pasilidad, ayon kay Customs Commissioner Bienvenido Rubio.
