Niyanig ng magnitude 4.6 na lindol ang probinsya ng Abra nitong Linggo ng umaga, Marso 26, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan bandang 5:35 ng umaga.
Namataan ang epicenter nito 2 kilometro ang layo sa hilagang-silangan ng Pilar, Abra, na may lalim na 5 kilometro.
Naramdaman ang Intensity IV sa Bucay, Pilar, Villariciosa, Peñarubia, San Isidro, Bangued, Bucloc, at Boliney, ABRA; at Bantay, ILOCOS SUR.
UP, top university pa rin sa Pinas; Iba pang paaralan sa bansa, pasok sa Asian ranking!
Naitala rin ang Intensity III sa Tayum, San Quintin, Tineg, at Dolores, ABRA; at City of Vigan, ILOCOS SUR.
Samantala, naiulat naman ang Instrumental Intensities sa mga sumusunod na lugar:
Intensity IV - City of Vigan, ILOCOS SUR
Intensity III - Bangued, ABRA; Narvacan, ILOCOS SUR
Intensity II - Candon, ILOCOS SUR
Intensity I - Batac, Laoag City, and Pasuquin, ILOCOS NORTE
Wala namang inaasahan ang Phivolcs na posibleng aftershocks dahil sa lindol, ngunit maaari umanong magkaroon ng pinsalang maidudulot ang nasabing pagyanig.
