Ang aktres at alkalde ng Ormoc City na si Lucy Torres-Gomez ay opisyal nang bahagi ng Philippine Coast Guard Auxiliary (PCGA).

Nanumpa si Gomez sa harap ni PCG commandant Admiral Artemio Abu sa Ormoc City, Leyte noong Biyernes, Oktubre 7, kung saan binigyan siya ng honorary rank ng Auxiliary Commodore bilang bahagi ng PCGA Executive Squadron.

“The rank signifies Mayor Lucy’s responsibility to uphold peace in coast as well as in land which she faithfully does when she was still the congresswoman and as the incumbent city mayor,” sabi ng PCG.

Kasama niya sa seremonya ang kanyang asawa na si Leyte 4th District Rep. Richard Gomez, at Auxiliary Captain Diether Ocampo, isang aktibong miyembro ng PCGA.

Sa kanyang mensahe, ipinahayag ni Gomez ang kanyang “utmost gratitude” para sa tapat na serbisyo ng PCG sa Ormoc City.

Ang seremonya ay kasabay ng ika-11 founding anniversary ng Coast Guard District-Eastern Visayas (CGDEV) na may temang, “CGDEV@11: Strengthening Bonds for Secure and Peaceful Eastern Visayas.”

Martin Sadongdong