Limang lugar sa Eastern Visayas at Mindanao ang isinailalim sa Signal No. 2 habang siyam na lalawigan pa ang apektado ng bagyong 'Agaton' na may international na "Megi" ilang oras matapos bumayo sa Eastern Samar nitong Linggo.
Kabilang sa mga lugar na itinaas sa Signal No. 2 ang central at southern portion ng Eastern Samar (Dolores, Maslog, Can-Avid, Taft, Sulat, San Julian, Borongan City, Maydolong, Balangkayan, Llorente, General Macarthur; Hernani, Balangiga, Lawaan, Quinapondan, Giporlos, Salcedo, Mercedes, Guiuan); central at southern portions ng Samar (San Jose de Buan, San Jorge, Tarangnan, Catbalogan City, Jiabong, Motiong, Paranas, Hinabangan, Calbiga, Pinabacdao, Villareal, Daram, Zumarraga, Talalora, Santa Rita, Basey, Marabut, San Sebastian; Biliran province; northern at eastern portion ng Leyte (Leyte, Capoocan, Carigara, Barugo, San Miguel, Babatngon, Tacloban City, Alangalang, Tunga, Jaro, Kananga, Ormoc City, Santa Fe, Palo, Pastrana, Dagami, Tanauan, Tabontabon, Tolosa, Dulag, Mayorga, Macarthur, Abuyog, Mahaplag, Javier, La Paz, Julita, Burauen); at northern portion ng Dinagat Islands (Loreto, Tubajon).
Inalerto na ng PAGASA ang mga residente sa mga naturang lugar dahil sa inaasahang malakas na bugso ng hangin sa susunod na 24 oras.
Ipinaiiral naman ang Signal No. 1 sa southern portion ng Masbate (Dimasalang, Palanas, Cataingan, Pio V. Corpuz, Esperanza, Placer, Cawayan); nalalabing bahagi ng Eastern Samar; nalalabing bahag ng Samar; Northern Samar; nalalabing bahagi ng Leyte; Southern Leyte; northeastern portion ng Cebu (Daanbantayan, Medellin, Bantayan Islands, Bogo City, San Remigio, Tabogon, Borbon, Tabuelan, Sogod, Catmon, Carmen, Danao City, Compostela, Liloan), kabilang ang Camotes Island; eastern portion ng Bohol (Buenavista, Danao, Dagohoy, Pilar, Guindulman, Candijay, Mabini, Alicia, Ubay, San Miguel, Pres. Carlos P. Garcia, Trinidad, Bien Unido, Talibon, Jetafe), at Dinagat Islands sa Surigao del Norte.
Catanduanes, niyanig ng magnitude 6.1 na lindol
Inaasahan na ng PAGASA na makaranas ng malakas na bugso ng hangin sa mga nabanggit na lugar sa susunod na 36 oras.
Huling namataan ang bagyo sa karagatan o sa layong 125.3 kilometro silangan ng Lawaan, Eastern Samar, taglay ang lakas ng hanging 75 kilometro kada oras at bugsong hanggang 105 kilometro kada oras.
