Ipinadala na sa Senado ang mungkahing ₱5.024 trilyong budget para sa 2022 na nauna nang inaprubahan ng Kamara.
Paliwanag ni Speaker Lord Allan Velasco nitong Miyerkules, agad nilang ipinasa sa Senado ang kanilang inaprubahang General Appropriations Bill (GAB) o ang panukalang ₱5.024 trilyong budget sa pag-asang maisabatas ito bago matapos ang 2021.
“In line with our commitment to ensure the timely enactment of next year’s national budget, we have transmitted to the Senate the 2022 GAB duly approved by the House ahead of schedule. We look forward to the bicameral conference where we can thresh out and reconcile the differing provisions of the House and Senate versions,” paglalahad nito.
Umaasa rin ang kongresista na maisulong ng panukalang badyet ang panunumbalik ng ekonomiya ng Pilipinas simula sa susunod na taon na apektado ng nararanasang pandemya ng coronavirus disease 2019 (COVID-19).
