Big-time 'drug supplier,' kasabwat, dinakma sa Pasay

By Balita Online

July 27, 2021

In BALITA

Napasakamay na ng mga awtoridad ang isang umano'y big-time drug supplier at kasabwat na babae sa ikinasang buy-bust operation sa Pasay City, nitong Lunes ng madaling araw.

Kinilala ang mga suspek na sina Darren Decena, 38,may kinakasama, at taga-1852 Cuyigking Street, Barangay 4 Zone 2, Pasay City; at Bernadeth Barrientos, 24, dalaga, at taga-Ampaya Compound, Brgy. Putatan, Muntinlupa City.

Sa pagsisiyasat ni SMS Arturo Dela Cruz, Jr., may hawak ng kaso, hindi na umano nakapalag ng dalawan nan dakpin ng mga tauhan ng National Capital Region Police Office-Regional Drug Enforcement Unit (NCRPO-RDEU), Philippine Drug Enforcement Group (PDEG) at Pasay City Police, sa panulukan ngRoxas Boulevard at EDSA, dakong 3:00 ng madaling araw.

Nasabat sa mga suspek ang 50 gramo ng pinaniniwalaang shabu na nagkakahalaga ng P240,000; P2,000 buy-bust money at isang silver Toyota Wigo na may plakang IAB 9931.

Sa report, si Decena ay direkta umanong konektado sa mga inmate ng National Bilibid Prison na nagpapakalat ng iligal na droga.

Sasampahan ng kasong Comprehensive Dangerous Drugs Act of 2002 ang dalawang suspek.

Bella Gamotea

SP Chiz sa pagtakbo ni Quiboloy bilang senador: ‘Karapatan niya ‘yon!’

Iginiit ni Senate President Chiz Escudero na karapatan umano ni Pastor Apollo Quiboloy na tumakbo bilang senador ng bansa sa 2025 midterm elections.Sa isinagawang Kapihan Sa Senado nitong Huwebes, Oktubre 10, sinabi ni Escudero na hindi pa naman umano “convicted” si Quiboloy sa mga kasong iniuugnay sa kaniya kaya’t may karapatan pa raw itong tumakbo.“Karapatan niya ‘yun dahil hindi pa...

4.8-magnitude na lindol, yumanig sa Davao Occidental

Niyanig ng 4.8-magnitude na lindol ang baybaying sakop ng Davao Occidental dakong 3:22 ng hapon nitong Huwebes, Oktubre 10.Base sa tala ng ayon sa Philippine Institute of Volcanology and Seismology (Phivolcs), tectonic ang pinagmulan ng lindol.Namataan ang epicenter nito 374 kilometro ang layo sa timog-silangan ng Balut Island sa Sarangani, Davao Occidental, na may lalim na 227 kilometro.Wala...

Hontiveros, inanunsyo na petsa ng pagdinig ng Senado hinggil kay Quiboloy

Inanunsyo na ni Senador Risa Hontiveros ang petsa kung kailan gaganapin ang pagdinig ng Senado hinggil sa mga isyung iniuugnay kay Pastor Apollo Quiboloy.Sa isang press conference nitong Huwebes, Oktubre 10, sinabi ni Hontiveros na nakatakdang ituloy ng Senate Committee on Women, Children, Family Relations and Gender Equality ang pagdinig sa Oktubre 23, 2024.Kasalukuyang nasa kustodiya ng...