MAKAKASAGUPA ng Filipino netters ang mga world-class tennis players ng Greece, sa pangunguna ni World No. 6 Stefanos Tsitsipas, sa binagong format ng World Group II Davis Cup tie sa Marso 6-7 sa Philippine Columbian Association (PCA) clay courts sa Plaza Dilao sa Paco, Manila.
Naitakda ang tapatan ng mga Pinoy at Griyego matapos ilunsad ng Davis Cup organizers ang bagong format.
“We’re looking forward to a really tough duel but we’ll try to use the experience to toughen up the team,” pahayag ni Philippine non-playing captain Chris Cuarto.
Bukod kina Francis Casey Alcantara at Jeson Patrombon, sasabak kontra Greece sina Fil-Am Ruben Gonzales, AJ Lim at Eric Olivarez, Jr.
Manny Pacquiao, inintriga kung saan pupunta sa sabay na laban nina Jimuel, Eman sa Feb
Maliban naman kay Tsitsipas, ang iba pang mga miyembro ng Geece squad ay ang nakababata nitong kapatid na si Petros, Michail Pervolarakis at Markos Kalovenolis at Dimitris Chatzinikolaou bilang skipper.
Inaasahang si Tsitsipas ang magiging pinakamalaking problema ng ating Davis Cup team.
“He’s not the No. 6 player in the world if he isn’t great,” ayon kay Cuarto.
Si Tsitsipas na umabot sa No. 5 ng Association of Tennis Professionals rankings ang pinakabatang netter na nasa top 10 sa edad nitong 21 anyos.
Manggagaling din ito sa pagkakampeon sa nakalipas na 2020 Open 13 Provence sa Marseille, France para sa kanyang ikalimang ATP title at sa Dubai Duty Free Championships kung saan siya naglalaro sa kasalukuyan. Marivic Awitan
Regalario, sabak sa Predator-Volturi 9-Ball Cup
PANGUNGUNAHAN ni PH young cue artist Bernie Regalario ang youth junior invasion sa pagsargo ng Predator-Volturi 9-Ball Cup 2020 tournament sa Sabado (Pebrero 29) sa AMF-Puyat Makati Cinema Square, Makati City.
Makakasama ni Regalario ang kapwa Wilde Blu Junior team mates na sina Rey Calanao, Elija B. De Mesa, Bastien Cyril Olanda, Francis Lompero, Kayla Herrera, Sophia Rosales at Dexter M. Barnido.
Suportado ni sportsman/businessman Mr. Nino Lopez, distributor ng Wilde Blu Chalk sa Philippines at Indonesia maging ang Volturi Custom Cases PH,sa pakikipagtulungan ng pamosong cue maker na si Angel Bautista.
“ I hope to do well in this event,” sabi ng 15-anyos na si Regalario, ang reigning J and P 9-Ball Cup Champion.
Inorganisa ng Makati Pool Players Association (MAPPA) sa gabay ng presidente na si Arvin John “Bambino” T. Arceo at tournament director Patrick Clavel, ang 9-ball tournament ay itinataguyod ng ng Predator at Volturi na suportado ng World-renowned blogger The AnitoKid, Puyat Sports, Wilde Blu, Dubshop, Sunville Trading,Peri, Aria Pool Things,Stanson, MLA Trading, Fury at ng bilyarista.com.
