MAY natural na galing at kakayahan ang Pinoy sa sports na equestrian. At sa isa pang pagkakataon, pinatunayan nina Colin Syquia, Joker Arroyo at multi-titled Toni Leviste na hindi pahuhuli ang Pinoy equestrienne.

At sa maiksing panahon na nabuo ang Equestrian Philippines, Inc. humakot na rin ng parangal ang mga batang riders tulad nina Minxie Romualdez, Alex Ynares-Villalon, Nicole Camcam at Paola Lorenzo.

“We’re happy and grateful with the series of success of our local riders in tournament abroad. It’s unprecedented achievements for the equestrian community in the short time that Equestrian Philippines, Inc has taken initiatives to revitalize the sports,” pahayag ni Equestrian PH president Carissa Coscolluela sa pakikipag-usap sa mga miyembro ng Tabloids Organization in Philippine Sports (TOPS) kahapon sa Makati City.

Karl Eldrew Yulo, nakasungkit ng silver medal sa South Korea

Iginiit ni Leviste, vice president ng grupo, na nagkakaisa ang equestrian community sa pangangailan ng isang kongretong programa, higit sa grassroots level upang mapataas ang kalidad ng mga ‘aspiring riders’ at mabigyan sila ng tamang venue para maipakita ang angking kakayahan.

“We’re united in this cause. Kahit kami-kami na ang magambangan para sa budget gagawin namin for the love of equestrian. Luckily, the Philippine Sports Commission (PSC) under Chairman William Ramirez is also there to lend a helping hand. They supporting us in our participation abroad,” sambit ni Leviste.

Nakamit ni Leviste, kasama sina Joker Arroyo at Colin Syquia, ang silver medal sa team competition sa Federation Equestre Internationale Asian Championships nitong Disyembre sa Pattaya, Thailand. Sumabak ang Team Philippines sa torneo matapos mabigong maisama ang equestrian sa calendar of sports sa 30th SEA Games sa Manila sa naturan ding buwan.

“We submitted the team’s accomplishment to PSC . Natuwa naman si Chairman Ramirez lalo na sa success ng ating junior team,” ayon kay Leviste.

Nakamit ng Ph junior squad na binubuo nina Romualdez, Ynarez-Villalon, Camcam,Lorenzo, Lara Zobel at Mohamed el Akkad ang gintong medalya sa team competition ng Rider Tour sa Malaysia. Ito ang ikatlong serye ng Tour na unang ginawa sa Manila nitong Setyembre at sa Kuala Lumpur nitong Disyembre.

“Hindi na namin iniintindi kung ano ang magagawa ng asosasyon namin sa mga atleta. In our own initiative, kikilos na lang kami and the recent success of our riders prove, that we can,” pahayag ni Coscolluela.