NANGUNGUNA si Adamson High School’s do-it-all swingman John Figueroa sa MVP race matapos ang unang round ng elimination sa UAAP Season 82 High School Boys’ Basketball Tournament.
Naitala ni Figueroa, 6-foot-2 at Grade 11, ang 68.86 statistical points (SPs) tampok ang averaged 12.14 points, 14.29 rebounds, 1.86 assists, 1.43 steals, at 1.43 blocks per game.
Pinangunahan ng pambato ng Pampanga, nadiskobre ni talent scout Ron Tuazon, ang Baby Falcons sa 4-3 karta tabla sa Ateneo High School para sa No.3 spot.
Another gold! Hidilyn Diaz, isa nang guro sa UP Diliman
Nakabuntot si National University-Nazareth School big man Kevin Quiambao, na may 67.29 SPs.
May taas na 6-foot-4,a ng 18-anyos na si Quiambao ay may averaged 12.71 points, 10.71 rebounds, 1.71 blocks, at 1.43 assists per game sa kanyang final year sa Bullpups.
Lumaban din sina Far Eastern University guard Penny Estacio na may 67 SPs tampok ang averaged 17.14 points, 6.14 rebounds, 3.0 assists, at 2.71 steals para sa second-running Baby Tamaraws (6-1).
Kasunod sina University of the Philippines’ Sean Torculas at Ateneo’s Lebron Lopez sa No.4 at No.5 tangan ang 66.29 SPs. Tangan ni Torculas ang averaged 10.57 points, 17.0 rebounds, 3.28 assists, 2.29 steals, at 2.43 blocks para sa Junior Fighting Maroons (0-7), habang si Lopez ay may averaged 16.29 points, 10.14 rebounds, 2.14 blocks, at 1.14 steals para sa Blue Eaglets (4-3).
Palaban din sina Ateneo’s Forthsky Padrigao (66.14 SPs) at Josh Lazaro (65.85); UE’s Cyrus Austria (64.71); NU’s Carl Tamayo (62.29); at UP’s Ray Torres (59.71).
