OPISYAL nang pumalo ang Community Volleyball Association (CVA) 18-under tournament nitong Linggo tampok ang panalo ng Batang Pinoy reigning titlist Califonia Academy of Antipolo at Stalwart Laguna sa San Andres Sports Complex sa Manila.
Pinangunahan nina Jelaica Faye Gajerio at Kizzie Madriaga ang California Academy tungo sa 25-14, 26-24, 28-26 panalo kontra Gracel Christian College Foundation.
Impresibo rin ang Stalwart laban sa St. Mark's Institute of Las Piñas, 25-15, 21-25, 25-21, 27-25, para sa maalab na panimula sa torneo na inorganisa ni actor-director Carlo Maceda at napapanood sa Light TV.
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Pinangunahan ni Maceda, nagbuo rin ng Community Basketball Association, kasama ang maybahay na si Derlyn Maceda at tournament director Alvin Tañada ang programa sa opening ceremony.
Tinanghal na ‘Player of the Game’ sina Gajerio, at ang pakikipagtambalan niya kay Madriaga ay lakas na nagpaangat sa Antipolo city-based Phoenix ni team owner Dr. Obet Vital at coach Stephanie Cholico.
"Masaya po kami sa panalo namin. Nakahanda naman yun team," pahayag ng 15-anyosna si Gajerio, bahagi ng California Team na nagwagi din ng silver medal sa CALABARZON regional championship.
"Malaking tulong din po talaga si ate Reanne. Siya po ang tumutulong sa amin, lalo na pag nara-rattle na kami, " pahayag ni Angel Joy Campos ng Stalwart.
