SOBRANG mainit sa social media ang pangalan ni Julia Barretto dahil siya ang nahuling kasama ni Gerald Anderson na umalis sa party ni Rayver Cruz, sa The Palace sa Bonifacio Global City, nitong Sabado.
Alam naman ng lahat na karelasyon ni Gerald si Bea Alonzo.
Binasa namin isa-isa ang mga masasakit na salitang ibinato ng netizens kay Julia at kung hindi matibay ang sikmura niya ay tiyak na iiyakan niya ito. Pero kung hindi naman siya guilty sa ibinibintang sa kanila ni Gerald ay puwede niya itong ipagkibit-balikat nalang.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Timing din naman kasi kaya raw naghiwalay sina Julia at Joshua Garcia ay dahil nakasama ng aktres si Gerald sa pelikulang Between Maybes na kinunan sa Japan.
Ipinagtanggol pa ni Joshua ang Kuya Gerald niya na hindi raw nito magagawa ang ibinibintang dahil magkaibigan sila. Pero heto, nagsusumigaw ang litratong magkasamang umalis ng party sina Gerald at Julia at iisang sasakyan lang ang sinakyan nila, gayung hindi naman sila sabay dumating.
Kuwento mismo ng aming source na nakakita sa party, “nagtataka nga kami bakit sabay silang umalis at iisang car sumakay. Kaya doon sila nahalata, sana nagkita na lang somewhere para hindi nahuli ng netizens.”
Anyway, may pelikula si Julia kasama si Joshua ang Block Z at sana ay makatulong ang kontrobersyal na isyu niya sa promo ng pelikula.
By the way, bukod pala kay Gerald ay may isa pang kilalang personalidad na ikinakabit sa pangalan ni Julia na dahilan umano kung bakit nakipaghiwalay si Joshua kay Julia.
“Si Joshua mismo ang humiwalay kay Julia,” diin ng aming source.
-REGGEE BONOAN
