ANG Australian boyband na 5 Seconds of Summer ay nakalapag na nitong Martes sa bansa para sa kanilang concert.
Ang banda ay nandito para sa kanilang eksklusibong concert na Just Woke Up In Manila na gaganapin sa Huwebes, July 11, sa New Frontier Theater.
Kilala sa tawag na 5SOS, ang banda ay mula sa Sydney, Australia na nabuo noong 2011. Binubuo ang grupo ng lead vocalist at rhythm guitarist na si Luke Hemmings, lead guitarist na si Michael Clifford, bassist na si Calum Hood, at drummer na si Ashton Irwin.
