TARGET ni Gian Taylor na mapabilang sa National Team. At sa ipinakikitang gilas, tunay na may puwang ang 15-anyos sa koponan.

GIAN TAYLOR: Asam mapabilang sa Go For Gold

GIAN TAYLOR: Asam mapabilang sa Go For Gold

Bumida ang pambato ng Malaybalay, Bukidnon sa nakamit na tagumpay sa male 12-17category ng Go For Gold Sunrise Sprint kamakailan sa Naga, Cebu.

Nanguna si Taylor ng Bukids Multisport sa short-distance triathlon event sa tyempong isang oras, 11 minuto at 36 segundo.

“My biggest dream is to represent our country to the Olympics,’’ pahayag ni Taylor, Grade 9 student sa San Isidro College High School sa Bukidnon.

Manny Pacquiao, nag-ceremonial first pitch sa gitgitan ng Yankees at Athletics

Manny Pacquiao, nag-ceremonial first pitch sa gitgitan ng Yankees at Athletics

Semegunda si Renzo Mar Pahaganas sa oras na 1:21:43 sa 750-meter open-water swim, 20km bike at 5km run kasunod si Jericho Auguis (1:21:57).

May naghihintay pang limang races para sa mga batang nagnanais na makakuha ng ayuda mula sa Go For Gold tungo sa hinhangad na slots sa men’s triathlon team.

“This came from our commitment to grow events in the Philippines which our athletes could join so they will have more opportunities to showcase their talent,’’ pahayag ni Go For Gold godfather Jeremy Go.

Sunod na torneo ang Go For Gold SwimBikeRun.PH Aquaman sa Vermosa Sports Hub sa Mayo 19 kasunod ang Go For Gold SBR PH Duaman sa Nuvali sa Hunyo 16.

Isa pang Go For Gold Sunrise Sprint ang gaganapin sa Davao City sa Hulyo 7 bago isagawa ang Go For Gold SBR PH Triman-Clark sa July 28 at Go For Gold Sunrise Sprint-Subic sa Nov. 4.

“A lot were sending me messages on how they could join the Go For Gold team. That’s why we came up with this selection process,’’ sambit ni Go, vice president for marketing of Powerball Marketing and Logistics Corp.

Ayon kay Go, ang 10 mangungunang atleta sa men and women class ng SBR races at Go For Gold Sunrise Sprint open category ay mabibigyan ng puntos .