MALAYA nang naisasama ni Jake Ejercito ang anak na si Ellie Eigenmann kahit pa magbiyahe sila abroad. Daddy duty nga si Jake nang dalhin niya last weekend si Ellie sa Hong Kong Disneyland. Sila lang mag-ama ang nag-ikot at sumakay sa mga rides doon.

Mukhang hindi naman mahirap pakainin si Ellie, base sa post ni Jake.

“Ignoring the number of times she chose to eat in McDonald’s and forced me to finish her leftovers, I think I’ve found me an A+#1 travel buddy,” caption ni Jake sa litrato nila habang nasa harap sila ng malaking structure ng pamosong food chain sa loob ng Hong Kong Disneyland.

Malapit na ring maging busy si Jake, dahil tutulungan niyang mangampanya ang amang si Manila Mayor Joseph Estrada as a re-electionist, gayundin ang sister niyang si Jerika Ejercito, na kandidato namang konsehal ng Manila.

Meanwhile, nag-post naman ang mommy ni Ellie na nasa Siargao Island, si Andi Eigenmann, with her boyfriend Philmar Alipayo. She’s now 17 weeks preggy sa second child niya.

“Finally over morning sickness period. (Hope its permanent this time!) Right when the sun has consistently come out on the island. Time to enjoy the morning sun and the ocean with our little pear. Now @chepoxz is happy because we can get out of bed early again. #17weeks,” saad sa post ni Andi.

-NORA V. CALDERON