SA muli niyang pagtuntong sa ABS-CBN, makalipas ang dalawang taon, para sa presscon ng I Love You, Hater, natanong si Kris Aquino kung kailan niya planong bumalik sa telebisyon, dahil marami na ang nakaka-miss sa kanya.

“Bimb asked me that kanina nu’ng pabalik kami rito (Dolphy Theater) tapos sinabi nga niya na ‘I missed that place so much, mama’, and then sabi ko, ‘we’re only visiting honey, don’t expect anything’.

“So, ganito na lang kasimple ‘yun. I know the realities of life and I also know that the franchise is at stake, I’ve been so honest and diretsahan na ‘yan so why would they risk it by giving me a show? Especially na kahit wala naman kaming isyu ni Presidente (Rodrigo Roa Duterte), hindi naman ako type ng supporters niya, so naiintindihan ko kung bakit, pero they see me every night if they want to. I’m online and I had 53 brands supporting me and I want to say, thank you to them (brand partners) because I’m also a businesswoman, alam ko naman na hindi ako kukunin for this movie had I not proven myself in digital because the role of a character as they said, Digital Empress.

“So, they wanted that and I was able to give it to them because, I’m the embodiment of that. Nagawa ko dahil ako ‘yung nauna, dahil nga walang choice, kailangan kong gawin. But I’d like to say that I was able to do it because big business supported me, kaya I wanted to say thank you to them kaya lahat ng nandiyan sa likod (supporters) kung walang nagki-click, nagbu-view, at walang nagsi-share hindi ako nakaupo dito ngayon,” mahabang paliwanag ng aktres.

Matapos makaharap si Marian: Sassa Gurl, na-realize 'di siya perpektong tao

Nagpahaging din si Kris na posibleng pasukin niya ang pagsisilbi sa bayan.

“Sinabi ko nga, normal ly wala akong kinatatakutan, pero ang kontrata at undisclosure agreement kinakatakutan ko,” sabi ni Kris. “‘Yung gusto n’yo namang mangyari (pulitika), mangyayari pero sa tamang panahon pa raw puwedeng sabihin kung kailan.

“And I’m sorry about that and I apologized also kasi kailangan kong respetuhin ‘yung mga taong nagbibigay sa akin ng mga opportunities. Pero ‘yung hinihingi n’yo will happen much sooner than you expect. It will just be happening on all of these things you’re holding right now,” pahayag ng Queen of All Media.