SA South Korea nagbabakasyon si Sharon Cuneta kasama ang kanyang pamilya, at isa sa mga pinuntahan ng aktres ang mga lugar na ginamit na location ng Goblin, ang hit Korean drama ng super favorite niyang si Gong Yoo.

Nakakatuwa ang pagpapa-fangirling ni Sharon. Akala namin ay si Anne Curtis na ang numero unong Filipino fan ni Gong Yoo, pero wala siyang panama kay Sharon. Inangkin na nang tuluyan ng Megastar ang Korean actor. Ang nakatutuwa, hinahayaan lang si Sharon ng kanyang pamilya at mga kaibigan.

Noon ngang Mother’s Day ay may nagregalo kay Sharon ng pillow na may face ni Gong Yoo. May nagbigay din ng key holder, at niregaluhan din siya ni Sherilyn Reyes Tan ng bag na may mukha ni Gong Yoo.

Blind Item

Content creator, 'di kinaya ugali ng dating Sang'gre sa concert ng BINI: 'Pipi na ba kayo?'

Ipinost din ni Sharon ang long pillow na may iba’t ibang mukha ni Gong Yoo, habang yakap ito ng natutulog niyang mister na si Senator Kiko Pangilinan.

“Proof! Na okay lang sa aking si Kikyoo na katabi namin ang aking lab na si Gong Yoo. Ginawang patungan ng kamay. Ayoko na magreklamo kasi baka sa bathtub kami patulugin ni Oppa Yoo,” post ni Sharon.

Nakakatuwa rin ang post ni Sharon nang pumunta siya sa isa sa location ng Goblin: “Kung saan unang nagkasalubong si Goblin (Gong Yoo) na nakapayong at si Ji Eun Tak! (Paglampas namin: Kakie: Mama, you’re breathing the same air! Me: I know! So exciting! Teka...amoy wiwi! Ngek. Buti lagpas na kami sa linakaran nila!”

Ha, ha, ha