Pananampalasan-Balita

Pananampalasan

Ni Celo Lagmay

NANINIWALA ako na sa pangkalahatan, tahimik ang idinaos nating Barangay at Sanguniang Kabataan Elections (BSKE), bagamat may manaka-nakang madugong karahasang sumiklab sa ilang panig ng kapuluan. Sa kabila ng sinasabing non-partisan ng naturang halalan, hindi nahadlangan ang ilang pulitiko na manghimasok sa sistema ng pangangampanya—isang kapangahasang maaaring naging dahilan ng paggitaw ng hindi kanais-nais at mapanganib na mga eksena.

Sa kabila ng puspusang pagsisikap ng pamunuan ng Philippine National Police (PNP) na pangalagaan ang katahimikan ng nakalipas na halalan, nasaksihan pa rin natin ang iba’t ibang anyo ng pananampalasan na ikinamatay ng mismong mga kalahok sa BSKE; kumitil din ito ng buhay ng ilang pribadong mamamayan. Nakakikilabot, halimbawa, ang pagpaslang kay dating Kongresista at Mayor Eufranio Eriguel ng La Union. Isipin na lamang na ang naturang opisyal ay nagtatalumpati lamang sa isang miting de avance nang siya, kasama ang kanyang dalawang bodyguards, ay walang puknat na pinaulanan ng putok. Patunay ito na wala nang ligtas na lugar sa ating bansa, lalo na kung kainitan ng pulitika.

Bagamat pinalad na makaligtas, hindi nilubayan si Daabantayan, Cebu Mayor Vicente Loot nang siya, kasama ang kanyang pamilya, ay tinambangan. May mga haka-haka na siya ay markado na, wika nga; lalo na kung isasaalang-alang na ang naturang Alkalde, na dating PNP General, ay laging pinaghihinalaang kasangkot sa illegal drugs. Isa lamang siya sa sinasabing narco-politicians na kabilang sa listahan ng umano’y mga pasimuno sa pagpapalaganap ng droga; ang ilan sa kapwa niya mayor ay tuluyan nang pinatahimik.

Bagamat maraming dekada na ang nakalilipas, nananatiling nakakintal sa aking utak ang karumal-dumal na pagpaslang sa aking bunsong kapatid na si Rogelio—ang pinakabatang Alkalde ng aming bayan sa Zaragoza, Nueva Ecija noong kanyang kapanahunan. Siya, kasama ang tatlong iba pa, ay sabay-sabay na pinatay sa mismong bulawagan ng aming munisipyo sa isang eksena na tinaguriang noon-time massacre.

Maaaring walang kaugnayan sa pulitika, subalit ang pagpaslang sa isang prosecutor sa Quezon City ay isa ring anyo ng pananampalasan na hindi dapat ipagwalang bahala ng mga alagad ng batas—ng PNP at ng iba pang security agencies.

Anupa’t hindi dapat paligtasin ang mga buhong na mga kampon ng kadilimam na walang habas sa pagpaslang.

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...

Libreng toll fee sa NLEX,SCTEX at iba pang expressway, ipatutupad sa Pasko at Bagong Taon

Inanunsyo ng Metro Pacific Tollways Corporation (MPTC) ang kanilang libreng tollgate fee ngayong holiday season.Sa kanilang Facebook page, ibinahagi ng MPTC nitong Lunes, Disyembre 23, 2024 ang kanilang “Pamaskong MPTC” para sa mga motorista.“Pamaskong MPTC is here to make your holidays even brighter! Enjoy FREE TOLL on NLEX, NLEX Connector, SCTEX, CALAX, and CAVITEX for Class 1, 2, and 3...