Nanindigan ang bansang Iran na sila umano ang magdedetermina ng pagtatapos ng nagaganap na sigalot ngayon sa rehiyon ng Gitnang Silangan.

Buwelta ito ng Iran sa pahayag ni United States (US) President Donald Trump noong Lunes, Marso 9, kung saan sinabi niya sa isang press conference na “very soon” daw ay matatapos na ang nasabing tensyon.

Ayon pa sa pahayag ni Trump, “very complete” na raw ang nasabing giyera.

“I think the war is very complete, pretty much. They have no navy, no communications, they’ve got no air force. Their missiles are down to a scatter. Their drones are being blown up all over the place, including their manufacturing of drones. If you look, they have nothing left. There’s nothing left in a military sense," saad ni Trump.

Ngunit sagot ng Islamic Revolutionary Guard Corps ng Iran nitong Martes, Marso 10, sila raw ang magdedesisyon ng pagtatapos ng giyera, at hindi ang Amerika.

“It is we who will determine the end of the war," saad ng IRGC.

Anila, “The equations and future status of the region are now in the hands of our armed forces; American forces will not end the war.”

Samantala, itinalaga na ng bansang Iran ang bago nilang supreme leader na si Mojtaba Khamenei, anak ng nasawing ex-Iran supreme leader na si Ayatollah Ali Khamenei.

MAKI-BALITA: Anak ni Ali Khamenei, itinalaga bilang bagong supreme leader ng Iran!-Balita

Resbak naman ni Trump, dismayado siya sa ginawang ito ng Iran.

“I was disappointed because we think it's gonna lead to just more of the same problem for the country. So I was disappointed to see their choice,” ani Trump.

MAKI-BALITA: Trump, dismayado sa desisyong pagpapalit ng supreme leader ng Iran!-Balita