ISASAMA ng walang talong si WBO Asia Pacific super lightweight champion Hiroki Okada sa mga biktima niyang Filipino boxers si one-time world title challenger Ciso Morales sa kanilang sagupaan bukas (Mayo 7) sa Korakuen Hall, Tokyo, Japan.
Sa apat na Pinoy na tinalo ni Okada, tanging si Philippine junior welterweight titlist Jheritz Chavez ang hindi niya napatulog at tinalo lamang sa puntos noong Hunyo 30, 2017 sa Korakuen Hall din.
Naging biktima ni Okada via stoppage sina Jaypee Ignacio, Philippine Boxing Federation super lightweight champion Rodel Wenceslao at pinakahuli si dating WBO No.1 light welterweight Jason Pagara.
May rekord si Morales na 19-6-1 na may 12 panalo sa knockouts samantalang mey perpektong kartada si Okada na 17 panalo, 12 sa pamamagitan ng knockouts.
Dalawang Pinoy mountaineers, sumakses sa tuktok ng Mt. Everest
Nakalista si Okada na No. 3 sa WBA, No.5 sa IBF at WBO at No. 10 sa WBC sa junior welterweight division kaya malaki ang mawawala sa kanya kung maa-upset ni Morales. (Gilbert Espeña)
