NAKAUNGOS si Randy Quinones kontra kay Richard Catindoy sa tie break para kunin ang titulo ng Kap. Tessa Atentar Chess Cup nitong Lunes sa rayat Street, corner Cristobal Street sa Barangay Kaunlaran, Cubao Quezon City.
Malinis ang kartada nina Quinonez at Catindoy matapos ang limang laro na may kabuuang 4.5 puntos mula sa apat na panalo at isang tabla sa event na inorganisa ni tournament director Ramon “Mamo” Montarde sa pakikipagtulungan nina Kap. Tessa Atentar at sportsman Roldan Atentar kung saan sina National Master Romeo Alcodia at Genghis Katipunan Imperial ang nagsilbing mga arbiter.
Solong ika-3 puwesto naman si Jontahan “Jojo”Soriano na may 4.0 na puntos. Magkasalo naman sa ika-4 habang ika-7 puwesto na may tig 3.0 puntos ay sina Jerry Gorospe, Tomas Gatpo Jr., Danny Gallo at Jerome Alcodia.
Ang mga nakapasok sa top 16 ay sina Allan Espina, Reynaldo “Eric” Acosta, Leonard Cabreros, Oscar Tabanao, Kiev Calungsod, Marcelo Trinidad, Orlando Tayson, Joey Straight at Antonio Talisaysay.
