Ni Reggee Bonoan
ANG taray, nasa Paris sina Enchong Dee at Erich Gonzales nitong Semana Santa.
Hmmm, base sa mga litratong ipinost ng aktor sa Instagram ay sila lang ni Erich ang magkasama, kaya duda kami na baka taping ito ng The Blood Sisters na gumaganap sila bilang sina Dra. Carrie Ann Almeda at Dr. Samuel Hechanova.
Jude Bacalso, nanindigang valid complaint pagtawag ng 'Sir' sa kaniya ng waiter
Sa isang post ni Enchong, nasa loob sila ng isang museum at may caption itong, “She looked at the glass walls without knowing that beside her was the reflection of her eternity’s joy and sorrow, heaven and earth, laughter and pain, and everything opposite. It was a beautiful story of Love. @erichgg.”
Sinundan ito ng kuha sa kanila na magkayakap at kunwa’y maghahalikan habang nasa background ang Eiffel Tower at may caption na, “Ur love outshined any relationships because we genuinely and truly care for each other.”
Kilala namin si Enchong na kapag nagbabakasyon ay pamilya ang kasama pero dahil wala naman sa mga litrato ang mga mahal niya sa buhay, posibleng trabaho nga ang ipinunta nila ni Erich sa France.
Kung hindi namin kilala sina Enchong at Erich ay iisipin naming ‘sila na’ dahil ang sweet nila sa mga litrato.
Nasabi na namin minsan sa aktor na, ‘Bakit hindi na lang kayo ni Erich, pareho naman kayong single?’ Napatingin lang siya sa amin noon. Hmmm, hindi kaya napag-isipan na niya ang posibilidad?
Oo nga, Erich, bakit hindi na lang kayo ni Enchong? Tutal kilala na ninyo ang isa’t isa at sigurado naman kaming magkasundo kayo sa lahat ng bagay.
Pero ang komento ni Erich sa litratong magkasama sila ni Enchong sa harap ng Eiffel Tower, “Best friends thru thick and thin.”
Anyway, kung taping nga ito ng The Blood Sisters ay anong eksena kaya ito, honeymoon nina Dr. Samuel at Dra. Carrie o baka naman si Erika ( karakter din ni Erich) ang kasama at imposible naman na karakter ni Agatha ito.
Sure ako, Bossing DMB na hindi pelikula ang kinunan nina Enchong at Erich sa Paris dahil imposible silang makagawa habang halos araw-araw ang taping ng The Blood Sisters na talk of the town na ngayon dahil nagkita-kita na ang triplets at ang tunay nilang ina na si Adele (Cherie Pie Picache).
