Ni Leandro Alborote
CONCEPCION, Tarlac - Patay ang isang motorcycle rider habang sugatan naman ang kasama nito nang bumulusok sa kanal ang kanilang motorsiklo sa Barangay Santiago, Concepcion, Tarlac, kahapon ng madaling-araw.
Ang nasawi ay kinilala ni PO1 Emil Sy na si Jeffrey Gutierrez, 21, binata, ng Green Village, Concepcion.
Itinakbo naman sa Concepcion District Hospital ang nasugatang si Joseph Cortez, 20-anyos.
Dakong 1:00 ng madaling-araw at lulan sa motorsiklo ang dalawa patungong Bgy. Santiago nang biglang mawalan ng kontrol sa sasakyan at dumiretso sa isang kanal.
Probinsya
