Ni Liezle Basa Iñigo
BUGALLON, Pangasinan - Isa ang napaulat na nasawi habang apat ang nasagip nang lumubog ang sinasakyan nilang bangka sa Agno River sa Barangay Bolaeon, Bugallon, Pangasinan nitong Lunes.
Dakong 8:45 ng gabi nang respondehan ng pulisya ang paglubog ng bangkay sa Agno River, dahil umano sa overloading.
Probinsya
Lalaking kusa umanong tumalon sa kulungan ng buwaya, sinakmal!
Sakay sa bangka sina Mariel Prado, 19, estudyante; Joey Prado, 30; Helen Prado, 50; at ang mag-asawang Hernacio Aguilan, 64; at Premitiva Aguilan, 64, pawang taga- Sitio Pangapisan, Bgy. Lasip, Lingayen, Pangasinan.
Nakaligtas ang apat sa mga sakay sa bangka maliban kay Premitiva, na namatay sa ospital.
Mag-aani sana ng mais ang mga biktima at kinailangan pang sumakay sa bangka para makarating sa maisan.
