Ni Nitz Miralles

NAG-STORYCON na noong isang araw ang morning series ng GMA-7 na Close To You na tatampukan nina Camille Prats at Neil Ryan Sese. Kasama rin sa storycon sina Ayra Mariano at Bruno Gabriel.

Habang sinusulat namin ang item na ito, wala pang balita kung sino ang magiging director at ibang makakasama sa cast.

Classic movie ‘Ipaglaban Mo!’, ipinalabas ng CCP bilang kampanya vs VAWC

Siguradong may ibang kasama sa cast dahil alangan namang sina Camille, Ayra, Bruno at Neil lang ang mapapanood sa buong takbo ng show.

Ang Close To You raw ang ipapalit sa Lolas Beautiful Show nina Jose Manalo, Wally Bayola at Paolo Ballesteros na malapit nang magtapos. Pero, wala pang binanggit kung kailan ang airing ng Close To You.

Kung morning teleserye ng GMA-7 ang Close To You, safe bang sabihin na ipantatapat ito sa Sana Dalawa Ang Puso ng ABS-CBN na tampok sina Jodi Sta. Maria, Richard Yap at Robin Padilla?

Mauuna nang mag-pilot ang Sana Dalawa Ang Puso dahil sa Monday na, January 29, ang start ng premiere airing nito.