Ni Bella Gamotea
Patay ang isang senior citizen na umano’y may problema sa pag-iisip makaraang pagtatagain ng kanyang nakaaway sa Muntinlupa City, nitong Huwebes ng hapon.
Dead on the spot si Cecillo Camposano, Jr. y Villegas, alyas Basi, 64, ng Espeleta Pantala, Poblacion, Alabang, Muntinlupa City. Siya ay nagtamo ng taga sa likod, leeg, ulo at katawan.
Nagsasagawa ng manhunt operation laban sa suspek na si Anaclielo Sanchez y Gaburada, alyas Cielo, 47, kalugar ng biktima.
‘Doraemon’ voice actor Nobuyo Oyama, pumanaw na
Sa ulat na ipinarating sa Southern Police District (SPD), naganap ang pananaga malapit sa creek site ng Espeleta Pantala, Poblacion, bandang 5:35 ng hapon.
Sa inisyal na pagsisiyasat, nagkaroon ng mainitang pagtatalo ang suspek at ang biktima sa hindi pa batid na dahilan.
Sa galit ng suspek, kumuha ito ng itak at hinabol ang biktima saka pinagtataga.
Mabilis na tumakas ang suspek dala ang itak na ginamit nito sa krimen.
