Ni REGGEE BONOAN
“I have nothing against Kris Aquino as long as she won’t run for public office. She is a nice person but another Aquino in the government is just going back to your unfaithful bf (boyfriend) again and again,” post ni Mocha Uson sa kanyang blog kamakailan.
Mukhang hindi kilala ni Mocha Uson ang dating presidential daughter at sister dahil hindi niya alam na makailang beses nang inalok si Kris to run for a public office pero lagi nitong tinatanggihan. Umiiwas si Kris sa masyadong masalimuot na buhay na dinanas ng mga magulang niyang sina Presidente Corazon C. Aquino at Senador Benigno Aquino, Jr. dagdag pa ang kuya niya na si ex-President Noynoy Aquino.
ALAMIN: Mga dapat malaman at gawin upang maging ligtas sa ‘tsunami’
Heto nga’t nasa showbiz si Kris ay kaliwa’t kanan ang bira sa kanya lalo na pagdating sa pag-ibig dahil nga laging nauuwi sa hiwalayan.
Pero kung saka-sakaling tumanggap ng posisyon sa gobyerno si Tetay, naniniwala kami na marami siyang maa-accomplish lalo’t kilala siyang honest at transparent at nagbabayad ng tamang buwis.
Kaya may ilang netizens na nagkokomento na kapag nagkaroon daw ng puwesto si Kris sa gobyerno ay tiyak na hindi niya mapipigilan ang sarili na ibuking ang lahat ng malalaman niyang mga katiwalian.
Anyway, mukhang magkakakilala ng personal sina Kris at Mocha. Kasi inaaanyayahan ni Kris ang assistant secretary ng Presidential Communications Operation Office para magkape. Kaabang-abang ang mapagkukuwentuhan nila.
Ang bahagi ng latest post ni Kris sa Instagram, “May I invite the blog post author to a Nespresso? Coffee naman tayo pag may time? After all I’m nice in person.”
May nakakatuwa ring parte ng naturang post ni Kris tungkol sa “unfaithful BF” na nabanggit ni Mocha: “Please wag nang mag-lecture about an “unfaithful boyfriend?” Honestly, summa cum laude na po ako sa kurso ng How To Get Over an Ex.”
Kung pagbibigyan ni Mocha ang invitation, matitikman niya kung gaano kasarap magtimpla ng kape si Kris na nagkuwento ring bumili ng 3 Nespresso machines para hindi na siya umaalis ng bahay kapag may gusto siyang imbitahang magkape.
“I’ve bought 3 Nespresso machines, 2 for different areas of our home, 1 binabaon for work -- and all the capsules of my favorites Dulsao, Bukeela, Linizio, and Vanilio plus Volluto Decaffeinato. Starbucks -- I just ask Jack or Jane to please buy me Chai Tea Latte, soy, no foam but my coffee, it’s personal at home akong nagtitimpla with no expectations except just to enjoy the moment,” post ni Kris.
Nakarating na kaya kay Mocha ang imbitasyon sa kanya ni Kris? Go girls! At BALITAan agad ninyo kami sa mga mapagkukuwentuhan ninyo.
