Ni NITZ MIRALLES
FEELING Korean na talaga si Anne Curtis. Pati ang tattoo niya, made in Korea.
Ang Korean tattoo artist na may pangalang playground_tat2 ang gumawa ng cross lettering tattoo ni Anne na hindi malinaw sa picture kung sa left o right wrist niya inilagay. Ang ibig sabihin daw ng tattoo ay dream and cross.
Classic movie ‘Ipaglaban Mo!’, ipinalabas ng CCP bilang kampanya vs VAWC
Sa nabasa namin sa Google, nasa South Korea ang playground_tat2 na gumagawa ng miniature tattoo. Nagpunta sa South Korean si Anne at ang kanyang fiance na si Erwan Heussaff, isinabay na ni Anne ang pagpapa-tattoo.
Dahil sa tattoo ni Anne, marami ang fans niya na nakikigayang magpa-tattoo na rin at ipakopya ang kanyang tattoo.
Kaya lang, kung gusto nila ng gayang-gaya sa tattoo ni Anne, pupunta pa sila sa Seoul, Korea.
Samantala, binigyan ng bridal shower ng Tiffany & Co at ng Rustan’s si Anne na sa November 11 na ang kasal sa Queenstown, New Zealand. Nakita namin sa bridal shower sina Karylle, Nicole Anderson, Antoinette Taus at kapatid na si Jasmine Curtis-Smith.
