GINAPI ng University of Santo Tomas sa makapigil-hiningang duwelo ang Adamson University, 25-23, 25-16, 25-11, para mapataas ang kumpiyansa sa nakatakda nilang pakikipagtuos sa reigning girls titlist National University sa UAAP Season 80 high school volleyball tournament kahapon sa Filoil Flying V Centre.
Matikas na nakihamok ang Baby Falcons, ngunit sapat ang lakas ng Junior Tigresses para maisalba ang laban at patatagin ang kampanya para sa inaasam na titulo.
Umusad ang UST sa 15-2 bentahe sa second set at hindi na nakaranas nang hamon sa karibal tungo sa ikalimang sunod na panalo.
Aksiyong umaatikabo ang inaasahan sa pagtututos ng Junior Tigresses at Bullpups (4-0) sa Sabado ganap na 2 ng hapon sa San Juan venue.
'Pikon daw?' UAAP fan na nag-dirty finger, agaw-eksena sa San Juan Arena!
Ginapi naman ng Adamson University ang UP Integrated School, 25-16, 25-12, 25-18 para sa 2-3 karta.
Sa iba pang laro, nanaig ang Far Eastern University-Diliman sa UPIS, 25-18, 25-4, 25-15 para sa unang panalo sa limang laro.
