ni Abigail Daño
Mabibigyan na ng pagkakataon ang mga Pilipino na makapag-aral sa mga unibersidad at institusyon sa Australia sa nakatakdang pagbubukas ng Overseas Education Fair ng AUG (Aused-Unied) Philippines sa Setyembre 9, 2017.
Dadalo sa nasabing fair ang mga opisyal at kinatawan ng Murdoch University, Macquarie University, Trinity College (The University of Melbourne), Laureate Education, Curtin University, University of Technology Sydney, Edith Cowan University, Griffith University, University of South Australia, University of Sunderland, Singapore Institute of Management Global, Southern Cross University, Australian Catholic University, Queensland University of Technology, University of Queensland, La Trobe University, Navitas, at University of Western Australia.
Layunin ng programa na bigyan ng libreng konsultasyon ang mga Pinoy na nais subukin ang kanilang kapalaran sa pag-aaral sa Australia.
