Ni: Mary Ann Santiago
Patay ang isang retiradong opisyal ng Philippine Marines nang tambangan ng riding-in-tandem habang sakay sa kanyang SUV sa Bonifacio Drive, Intramuros, Maynila kahapon.
Sa ulat ng Manila Police District (MPD)-Station 5, apat na tama ng bala sa kaliwang bahagi ng katawan at sa dibdib ang ikinamatay ni Jujie Lim Umandac, nasa edad 56-60, retiradong Master Sergeant ng Philippine Marines at residente ng Baseco Compound, Port Area.
Sakay ang biktima sa kanyang Mitsubishi Pajero (OMA-999) nang pagbabarilin sa Bonifacio Drive sa Intramuros, bandang 2:45 ng hapon.
Binabagtas ng biktima ang nasabing lugar nang sabayan ng dalawang suspek at pinagbabaril bago humarurot palayo.
Rep. Paolo Duterte, bumwelta sa ICC: 'This hearing will not change history!'
Inaalam na kung may kinalaman sa pulitika ang pamamaril dahil kakandidato umano si Umandac bilang barangay chairman sa eleksiyon sa Oktubre 23.
