DUBAI (AP) – Sumiklab ang malaking sunog kahapon ng umaga sa isang itinatayong high-rise complex malapit sa pinakamalaking shopping mall sa Dubai, United Arab Emirates.
Ang nasunog na gusali ay katabi ng Dubai Mall at malapit sa 63-palapag na The Address Downtown Dubai tower, nasunog din noong 2015 sa bisperas ng Bagong Taon.
Sinabi ng media office ng gobyerno ng Dubai na sumiklab ang sunog sa Fountain Views towers, at naapula na ito ng mga bombero.
“Cooling operations are underway and ambulance units are on site,” paskil ng media office sa Twitter account nito. Ayon dito, walang nasaktan sa insidente.
Internasyonal
