Nalalaman sa DDS, ilalahad ni Lascañas

March 05, 2017

Iginiit ni Sen. Bam Aquino na ang gagawing pagdinig bukas sa testimonya ng retiradong pulis na si SPO3 Arturo Lascañas tungkol sa Davao Death Squad (DDS) ay indikasyon na isang malayang institusyon ang Senado.

“The Senate should not shrink from pursuing the truth. Kailangang malaman ng taumbayan ang buong katotohanan sa isyung ito,” sabi ni Aquino.

Sa kanyang pagharap sa Senado noong nakaraang taon, itinanggi ni Lascañas ang mga pahayag ni Edgar Matobato tungkol sa DDS.

Ngunit nitong Pebrero 20 ay binawi ni Lascañas ang naunang testimonya niya at sinabing totoong may DDS at ang noon ay Davao City mayor at ngayo’y Pangulong Rodrigo Duterte ang nag-utos sa ilang pagpatay.

Nabatid na 2015 pa isinulat ni Lascañas sa isang journal ang mga pag-amin niya tungkol sa kanyang mga nalalaman sa DDS.

Naniniwala si Aquino na ang kasong perjury ay maliit na problema lang para kay Lascañas dahil mas mabigat ang ginawa nitong pag-amin sa ilang pagpatay nang baligtarin nito ang naunang testimonya.

“Gusto nating malaman kung ano ang kanyang rason sa pagbabago ng kuwento at bakit siya [ngayon] umaamin sa mga nagawang krimen,” ani Aquino.

Haharap si Lascañas bukas, Marso 6, sa pagdinig ng Senate committee on public order and dangerous drugs, na pinamumunuan ni Sen. Panfilo Lacson. - Leonel M. Abasola

TINGNAN: Listahan ng mga nag-file na kandidato sa pagkasenador at party-list

Narito ang listahan ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Linggo, Oktubre 6, sa ikaanim na araw ng filing.Ang listahang ito ay mula sa Commission on Elections (Comelec):SENATORIAL CANDIDATES:1. Bondoc, James Patrick Romero2. Guigayuma, Junbert Malinis3. Amad, Wilson Caritero4....

Pagbabawas ng isang taon sa kolehiyo, isinusulong ng party-list

Isa raw sa mga isusulong na plataporma ng EDU-AKSYON Party-list sa kongreso ay ang pagbabawas ng kurikulum sa kolehiyo nang maghain sila ng certificate of nominations and acceptance (CONA) ngayong Linggo, Oktubre 6, sa The Manila Hotel Tent City.Sa panayam ng media sa grupo, inilatag ni EDU-AKSYON Secretary General Domingo Brum, Jr. ang ilang detalye tungkol sa kanilang nasabing plataporma.“Isa...

Ex-Pres. Duterte sa mga kriminal sa Davao City: ‘Find another place!’

Matapos niyang ianunsyo na tatakbo siyang muli bilang mayor ng Davao City, binalaan ni dating Pangulong Rodrigo Duterte ang mga kriminal, lalo na raw ang mga sangkot sa ilegal na droga, na umalis na umano sa lungsod kung ayaw nilang humarap sa “consequences.”Sa isang press conference nitong Sabado, Oktubre 5, na inulat ng Manila Bulletin, iginiit ni Duterte na malawak ang Pilipinas na maaaring...