TANAUAN CITY, Batangas - Bumulagta ang isang umano’y miyembro ng Akyat Bahay Gang matapos na mabaril ng may-ari ng bahay na kanyang nilooban sa Tanauan City, Batangas.
Kinikilala pa ng pulisya ang suspek na nakasuot ng shorts, walang damit pang-itaas, at may T-shirt na nakatakip sa mukha para magsilbing bonnet.
Nabaril naman ng suspek sa balikat si Manolito Mendoza, 49, negosyante at may-ari ng bahay na nilooban sa Barangay Bañadero.
Ayon sa report ni PO1 Julius Andrew Dionisio, dakong 2:20 ng umaga nitong Linggo nang maalimpungatan si Mendoza at matuklasang nasa loob ng kanyang bahay ang suspek.
Probinsya
5 buwang sanggol, natabunan sa landslide sa Davao City
Kaagad umanong nagpaputok ng baril ang suspek, ngunit nakaganti si Mendoza at napatay ang una. (Lyka Manalo)
