Patay ang isang bagitong pulis matapos niyang sumemplang sa motorsiklo sa Makati City, kahapon ng madaling araw.
Dead on arrival sa St. Lukes Medical Center si PO1 Jumar Wallace Abag, 23, nakatalaga sa Caloocan City Police Station, sanhi ng matinding pinsala sa katawan.
Sa inisyal na ulat na natanggap ni Southern Police District-Public Information Office (SPD-PIO) chief Supt. Jenny Tecson sa Makati Traffic Department, dakong 3:20 ng madaling araw nangyari ang aksidente sa EDSA northbound lane, malapit sa Estrella footbridge, Barangay Pinagkaisahan.
Sakay ang biktima sa motorsiklo nang bigla siyang sumemplang sa naturang lugar.
Dela Rosa kapag ibinigay ni Escudero ang transcript sa ICC: ‘I will try to question him'
Isinugod sa naturang ospital ang pulis ngunit huli na ang lahat.
Patuloy ang imbestigasyon sa aksidente. (Bella Gamotea)
