ARESTADO ang ex-boyfriend ni Taylor Swift na si John Conor Kennedy nitong nakaraang Huwebes ng umaga nang masangkot sa away sa Bootsy Bellow nightclub sa Aspen, Colorado.
Ayon sa pulisya, nasaksihan nila ang away sa labas ng establisyemento dakong 1:40 ng umaga nang tumugon sila sa tawag na may isang taong ayaw umalis sa bar. Sinabi ng mga police officer na sinubukan nilang paghiwalayin ang dalawang lalaki na nagpapambuno sa lupa at nasaksihan si Kennedy na sumuntok ng apat o limang beses sa ulo ng katunggali.
Nahulog sa snowbank ang police officer na si Andrew Atkinson at si Kennedy — na anak ni Robert Kennedy Jr. at apo ni Robert Kennedy — nang awatin ng mga pulis ang mga nag-aaway. Sinabi ng pulis na tinulungan ng mga bystander si Atkinson na awatin si Kennedy, 22 anyos, bagamat inihayag ng abogado ng huli sa CBS Denver na siya ay “cooperative, compliant and respectful.” Walang napaulat na nasugatan sa mga nag-aaway.
Classic movie ‘Ipaglaban Mo!’, ipinalabas ng CCP bilang kampanya vs VAWC
Kinasuhan si Kennedy ng disorderly conduct at nakatakdang humarap sa korte sa Pebrero 22.
Ito ang pangalawang pagkakasangkot ni Kennedy sa kaguluhan. Noong 2013, inaresto rin si Kennedy habang may nagaganap na protesta sa labas ng White House. (Entertainment Tonight)
