CAMP JULIAN OLIVAS, Pampanga – Patay ang isang 18-anyos na lalaking drug suspect matapos niyang tinangkang barilin ang pulis na poseur buyer sa isinagawang buy-bust operation sa Sta. Maria, Bulacan kahapon, ayon sa mga ulat sa Police Regional Office (PRO)-3.
Kinilala ni Senior Supt. Romeo Caramat, Jr., acting director ng Bulacan Police Provincial Office, ang napaslang na si Marco James Manzanares, alyas Marco, ng Barangay Guyong, Sta. Maria, Bulacan.
Dakong 6:50 ng gabi nitong Linggo nang mapatay si Manzanares makaraang manlaban sa buy-bust operation at tinangkang barilin ang pulis na poseur buyer gamit ang isang pen gun. (Franco G. Regala)
Probinsya
