URDANETA CITY, Pangasinan – Dalawampu’t dalawang hepe ng pulisya sa iba’t ibang lalawigan sa Cagayan Valley Region ang sinibak sa puwesto, ayon kay Police Regional Office (PRO)-2 acting Director Chief Supt. Gilbert Sosa.
Ayon kay Chevalier Iringan, tagapagsalita ng PRO-2, ang pagsibak sa mga hepe ay ibinatay sa hindi maayos na performance ng mga ito sa pagpapatupad ng “Oplan Double Barrel” ng Philippine National Police (PNP).
Sa Isabela, sinibak sa puwesto sina Supt. Manuel Bringas (Ilagan City), Supt. Engelbert Soriano (Cauayan City), Senior Insp. Prospero Agonoy (Quirino), Senior Insp. Ben Bumanlag (Delfin Albano), Senior Insp. Jonathan Binayag (Palanan), Senior Insp. Aladin Revocal (San Pablo), Senior Insp. Ignacio Layugan (Dinapigue), Supt. Richard Limbo (Divilacan), Chief Insp. Pilarito Malillin (San Mateo), Chief Insp. Mario Fajardo (Luna), at Senior Insp. Ruby Capinpin (Roxas).
Sinibak din mula sa Cagayan sina Chief Insp. Alvin Mabazza (Alcala), Senior Insp. Antonio Palattao (Allacapan), Senior Insp. Eugenio Catupag (Rizal), Senior Insp. Ronald Balod (Sta. Praxedes), Senior Insp. Mario Maraggun (Calayan), at Senior Insp. Christopher Banao (Buguey).
OFW na hinoldap, inundayan ng saksak sa terminal sa Maynila, nakauwi na ba sa pamilya?
Tinanggal din bilang hepe ng pulisya sa Nueva Vizcaya sina Chief Insp. Larry Pinkihan (Kasibu), Chief Insp. Joefrrey Bulong (Ambaguio), at Senior Insp. Rudil Bassit (Kayapa); habang si Senior Insp. Alex Orbillo lang ang nasibak sa Quirino. (Liezle Basa Iñigo)
