May limang baraha pa ang Team PH sa Rio-Balita

RIO DE JANEIRO – Mula sa 13 atleta, limang Pinoy na lamang ang nalalabi at magtatangka na pantayan hindi man mahigitan ang silver medal ni Hidilyn Diaz sa weightlifting, may 10 araw ang nalalabi sa Rio Olympics.

Nitong Miyerkules (Huwebes sa Manila), tulad ng inaasahan talsik si Jasmine Alkhaldi sa heat ng women’s 100m freestyle sa Olympic Aquatics Center.

Para sa nalalabing atleta, ang tagumpay ni Diaz ang magsisilbing inspirasyon sa kanilang pagsabak para sa katuparan ng pangarap ng sambayanan.

“Good luck and enjoy the moment. Enjoy being one of the very few Filipinos competing in the Olympics,” paalala ni Alkhaldi.

Kung may karapat-dapat na magbigay ng lakas ng loob sa nalalabing Pinoy, ito’y ang huling habilin ni Diaz bago tumulak pabalik ng bansa ang 25-anyos na lifter mula sa Zamboanga City.

Maging si Chef-de-mission Jose Romasanta ay inspirado ring magbigay ng lakas ng loob sa atletang Pinoy.

“Inspired by Hidilyn’s medal feat and heeding her call, ‘Walang bibitiw. Laban lang’,” pahayag ni Romasanta.

“We don't want to put pressure on our remaining bets but another medal of any color will give the Philippines its best ever finish in the Olympics,” aniya.

Nakamit ng Pilipinas ang pinakamatikas na kampanya sa Summer Games noong 1932 kung saan nagwagi ng tatlong bronze ang Pinoy mula kina Simeon Toribio sa men’s high jump, Jose Villanueva sa men’s boxing (bantamweight) at Teofilo Yldefonso sa men’s 200m breaststroke.

Sa nakopong silver medal ni Diaz, anumang medalyang masungkit ng nalalabing limang atleta ay sapat na para malagpasan ang naging kampanya ng Pinoy sa Olympics may 84 na taon na ang nakalilipas.

Sisimulan ni golfer Miguel Tabuena ang laban sa golf simula ngayon, habang si marathoner Mary Joy Tabal ay nakatakdang tumakbo sa Aug. 14; habang sina long jumper Maresttella Torres Sunang at 400m hurdle bet Eric Cray ay nakatakda sumabak sa Aug. 16; at si Kirstie Elaine Alora sa taekwondo ang huling sasalang sa Agosto 20.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...