NAGPAPARAMIHAN ng endorsements sina Alden Richards at Maine Mendoza at kahit sabihing walang competition ang mga bida sa pelikulang Imagine You & Me, siguradong ang kani-kanyang kampo ang may competition.
Sa pinakahuling statistics, mas marami ang endorsements ni Alden dahil may 32 endorsements na siya at si Maine ay may 29. Pero malapit nang maabutan ni Maine si Alden, in fact, isa na lang ang lamang ni Alden sa pagpasok ng dalawang bagong solo endorsements ni Maine.
Endorser si Maine ng Oishi at Magnolia Chicken, kaya kasama ang dalawang produkto sa laman ng loot bag na ipinamigay sa presscon ng Imagine You & Me na kinabibilangan ng mga ini-endorse na produkto ng Aldub. Kaya ang 29 endorsements dati ni Maine ay 31 na ngayon at isa na lang, pantay na sila ni Alden.
ALAMIN: Ano nga ba ang EBET Law na pinirmahan ni PBBM
Wala raw conflict sa McDo Chicken ang pag-i-endorse ni Maine ng Magnolia Chicken dahil hilaw ito at luto ang McDo Chichken.
Samantala, hindi lang sina Alden at Maine ang excited sa showing ng kanilang pelikula sa July 13 na kinunan ni Direk Mike Tuviera sa Como, Italy.
Kahit anong pangungulit, ayaw sabihin ng director kung magkano ang inabot ng APT Entertainment at GMA Films sa pagpoprodudyus ng Imagine You & Me. Basta, worth it ang nagasta ng mga producer sa ganda ng pelikula. (NITZ MIRALLES)
